۱۲ هزار حیوان مربوط به کوچی‌های ولایت بغلان واکسین می‌شود
۲۸ دلو ۱۳۹۹
ریاست زراعت، آبیاری و مالداری ولایت بغلان، می‌گوید حیوانات کوچی‌ها در این ولایت از طریق پروژه «DCA/CLAP»، مربوط به وزارت زراعت، واکسین انترتوکسیمیا یا «ETV»، دریافت می‌کنند.
برنامه واکسیناسیون این حیوانات دیروز در ساحه کیله‌گی ولسوالی دوشی آغاز شد. قرار است در این کمپین، ۱۲هزار بُز و گوسفند مربوط به کوچی‌ها در ولسوالی‌های دوشی، پلخمری، بغلان مرکزی و نهرین، در برابر بیماری انترتوکسیمیا به شکل سب‌سایدی واکسین شوند.
