د لوګر په سفید سنګ کې د اوبولګولو د یوې شبکې د رغولو چارې روانې دي
۲۱ لړم ۱۳۹۸
د لوګر د محمدآغې ولسوالۍ اړوند د سفید سنګ په کلي کې د اوبولګولو د یوې شبکې د رغولو چارې په چټکۍ سره رواني دي، چې ډېر ژر به یې د رغولو چارې بشپړ او ګټې اخیستنې ته به وسپارل شي. د اوبولګولو د یادې شبکې ټولیز اوږدوالی ۲.۶کیلو مترو ته رسیږي.
د اوبولګولو دغه شبکه نږدې ۳۰۰ جریبه ځمکه خړوبوي او زرګونه تنه له دې شبکې څخه ګټه پورته کوي.
دمګړۍ د دې شبکې د رغولو په چارو کې هره ورځ یو شمېر سیمه ییز کارکوونکي په کار بوخت دي او په پام کې ده چې، ډېر ژر یې چارې بشپړ او ګټې اخیستنې ته وسپارل شي.
د اوبولګولو د یادې شبکې په جوړېدو سره ۴۰ سلنه د اوبو د ضایعاتو مخه نیول کیږي او دیادې شبکې د تر پوښښ لاندې د کرنیزو ځمکو د محصولاتو د ۲۰ سلنې زیاتوالي لامل هم کیږي.
