دکرنې وزارت د اوبولګولو او طبیعي سرچینو مرستیال دلغمان دکرنې کارکوونکو سره وکتل
۲۸ لړم ۱۴۰۱ه.ش
۲۴ ربیعالثاني ۱۴۴۴ ه.ق
دکرنې، اوبولګولو او مالدارۍ وزارت د اوبولګولو او طبیعي سرچینو مرستیال له خپل مل پلاوی سره تر ننګرهار او کونړ وروسته لغمان ولایت ته سفر وکړ او ددې ولایت دکرنې سرپرست رییس مولوی ګل رسول زبیر او ددې ریاست له کارکوونکو سره وکتل.
د اوبولګولو او طبیعي سرچینو مرستیال مولوی باز محمدفیضان د لغمان دکرنې کارکوونکو سره په کتنه کې وویل: «هېواد کې د کار زمینه برابره شوې ده، کولای شو هرې خواته چې موږ وغواړو لاړ شو او کار وکړو، نو اړینه خبره داده، چې موږ باید په خپلو لږو امکاناتو په رښتنولی سره کار او چوپړتیاوې وړاندې کړو او لږه بدیجه چې لرو په شفافه توګه د مالدارانو او بزګرانو د چوپړتیاوو وړاندې کولو په برخه کې یې مصرف کړو.»
په همدې حال کې د لغمان دکرنې ریاست چارواکو ددې ولایت دکرنې ریاست د فعالیتونو او لاسته راوړنو راپور وړاندې کړل او ترڅنګ یې ددې ریاست پر وړاندې د شته ستونزو او ننګونو د حل غوښتونکی شو.
په ورته وخت کې د اوبولګولو او طبیعي سرچینو مرستیال د لغمان دکرنې ریاست دکارکوونکو د کړنو قدرداني وکړه او د چارو د لاښه او کړندۍ پرمختګ په پار یې لازمې لارښوونې وکړې.
د طبیعي سرچینو رییس مولوی عبدالاحدخلیل، مالي او حسابي رییس مولوی ضیاالدین واقف او دکرنې وزارت د ځنګلونو آمر محمدامان امانیار په دې سفر کې دکرنې وزارت د اوبولګولو او طبیعي سرچینو د مرستیال مولوی باز محمد فیضان ملتیا کوله.
