د ننګرهار د کرنې ریاست: د اراضي امرینو او کارکوونکو سره د همغږۍ ناسته ترسره شوه
۸ زمری ۱۴۰۲ه.ش
۱۲ مُحَرَّمُ الحَرام ۱۴۴۵ه.ق
د ننګرهار د کرنې، اوبولګولو او مالدارۍ رییس د اراضي، اړوند امرینو او مرکزي مامورینو په ګډون د ولسوالیو کارکوونکو سره د همغږۍ تاسته ترسره کړه.
د ننګرهار د کرنې، اوبولګولو او مالدارۍ رییس مولوي عبدالستار محمد کارکوونکو ته د سلسله مراتبو مراعتولو، غوره همغږۍ، په کارونو کې روڼتیا، د امرینو او مشرانو اطاعت کولو امر وکړ.
د کرنې رییس د اراضي کارکوونکو او ولسوالیو دغصب مخنیو کمیټې ته لازمې سپارښتنې وکړې او د قانون په چوکاټ کې د صلاحیتونو او مسولیتونو په ښه ډول ادا کولو ټینګار وکړ.
دغه راز د ځمکوالۍ چارو امر مولوی مراد خان صمیم کارکوونکو ته د حاضرۍ پابندۍ، د مراجعینو سره غوره چلند، نبوي درسونو پیلول، د دفاترو پاکوالې، نویو ګمارل شويو مامورینو ته روزنه ورکولو او ګڼو نورو مسایلو خبرې وکړې.
همدارنګه مولوی صمیم د اراضي اړوند امریتونو او د ولسوالیو مدیریتونو ستونزې د کرنې رییسس سره شریکې کړي، چې د کرنې رییس له لورې د ستونزو حل ډاډ ورکړل شو.
