د اړمنو کورنیو د ملاتړ په پآر هڅې؛ لوګر کې پر سلګونه بې وزله او اړمنو کورنیو څاروي ووېشل شول
۴ زمری ۱۴۰۲ه.ش
۹ مُحَرَّمُ الحَرام ۱۴۴۵ه.ق
د لوګر دکرنې، اوبولګولو او مالدارۍ ریاست د ملګرو ملتونو دخوړو او کرنې ادارې په همکارۍ په دې ولایت کې د بې وزله او اړمنو کورنیو د ملاتړ او دوی ته د عواید سرچینې برابرولو په پار د دې ولایت د محمد آغې او خوښۍ ولسوالیو پر نږدې ۲۰۰ بې وزله او اړمنو کورنیو د شېدو وزې وېشلي دي.
د غه څاروې د روپاني دفتر په تخنیکي همکارۍ پر هغو کورنیو ته وېشل شوي دي، چې څه موده وړاندې د سروې په لړکې په نښه شوي او اړمن پېژندل شوي وه.
د لوګر ولایت د کرنې او مالدارۍ ریاست د مالدارۍ څانګې د معلوماتو له مخې یادو کسانو ته د څاریو ترڅنګ دڅاریو ۵۰ کیلوګرامه خوراکه او د اوبو لوښې هم ورکړل شوي دي.
له وېشل شویو څارویو څخه موخه په دغه ولایت کې دڅارویو د نویو نسلونو ترویج، بې وزله او بې سر پرسته ښځو ته د کور دننه د کار زمینه برابرول او د څاریو لرونکو اقتصادی پیاوړتیا ښودل شوی دی.
