د ننګرهار سره رود کې یوشمېر مالداران وروزل شول
۴ زمری ۱۴۰۲ه.ش
۹ مُحَرَّمُ الحَرام ۱۴۴۵ه.ق
د ننګرهارد کرنې، اوبولګولو او مالدارۍ ریاست سره په همغږۍ د افغانستان لپاره د هالنډ کمیټې له لورې ددې ولایت د سره رود ولسوالی ۱۲۰ مالدارانو ته د مالدارۍ پر ناروغیو، بازار موندنې او ګڼو نورو برخو کې روزنه ورکړل شوه.
د سره رود د کرنیزو خدمتونو مدیر قاري خانزیب وویل د افغانستان لپاره دهالنډ کمیټې داکترانو له لورې د سره رود ولسوالی په ککړک او مار غونډۍ کې ۱۲۰ مالدارانو ته د انتراکس، لیوني سپي ناروغیو، توبرکلوز، پشم، کشمیره ترلاسه کولو، بازارموندنې، ناروغیو نښي او نښانو او انسانانو ته یې پر لېږد روزنه ورکړه؛ ترڅو مالداران د ناروغیو د لیدو پر وخت اقدام وکړي او د څارویو د مړینې مخنیوی وشي.
وړاندې تردې هم د هالنډ کمیتې له لورې په سره رود کې مالدارانو ته په یاده برخه کې روزنه ورکړل شوې وه.
