د هلمند د رېګستان سیمه کې د باراني اوبو مهار او زېرمه کولو په پار چکډم جوړ او ګټې اخیستنې ته وسپارل شو

دهلمند ولایت د کرنې، اوبولګولو اومالدارۍ رياست لخوا د رېګستان په سیمه کې د باراني اوبو زېرمهکولو او د کوچانو او مالدارانو د څړځایونو بیا احیا کولو په موخه یو چکډم جوړ او ګټې اخیستنې ته وسپارل شو.
د اوبو زېرمه کولو دغه ناور چې ١٠٠ متره اوږدوالی، ٥٠ متره سوور او ٣ متره ژوروالی لري، د لس زره متر مکعبه اوبو د زېرمه کولو وړتیا لري، 
ددې چکډم په رغېدو سره په  یاده سیمه کې د باران اوبه مهارېږي، د ځمکې لاندې اوبه به ډیرې او د مالدارانو د مالونو لپاره د اوبو چمتو کولو ستونزه به ورسره حل شي.
په ورته وخت کې د سیمې مالداران او کوچیان وایي د څو کلونو راهیسې یې په دغو سیمو کې د مالونو د اړتیا وړ اوبو نشتوالي له امله بېلابېلو سیمو او ولایتونو ته  خپل مالونه بیول ترڅو د مالونو د مرګ ومیر مخه یې ونیول شي. 
دوی همدارنګه زیاتوي، چې د رېګستان په سیمو کې به راروان کال ته د کوچيانو اومالدارانو لپاره  د څارويو دڅښاک اوبه زېرمه کېږي، دطبي نباتاتو او مالچرونو دبيا احیاء برخه کې به هم ګڼې اسانتیاوې ورته رامنځته شي .
دغه راز ددې پروژې په تطبیق سره به د رېګستان په سیمو کې د کوچيانو اومالدارانو لپاره  د څارويو دڅښاک اوبه زېرمه او دطبي نباتاتو او څړځایونو دبيا رغونې برخه کې به هم ګڼې اسانتیاوې رامنځته شي.