د ستروسو ونو د اصلاح په پار هڅې؛ د ننګرهار فارم جدید کې ١٣ زره نيالګي پیوند شول
۳۱ چنګاښ ۱۴۰۲ه.ش
۵ مُحَرَّمُ الحَرام ۱۴۴۵ه.ق
د ننګرهار د کرنې، اوبولګولو او مالدارۍ ریاست د فارم جدید د نیالګیو روزنځای کې د ستروسو نیالګیو کې د پیوند لګولو چارې پای ته رسېدلي دي.
د ننګرهار ولایت د طبیعي زېرمو امر قاري سیداغا تنها وویل: "دوی سږ کال په فارم جدید کې په ۱۳ زره سټروسو نیالګیو کې د مالټو ۷۰۰۱ او ۷۰۰۷ ډولونو پیوندونه د کرنې ریاست مسلکي کارکونکو له لورې ولګول شول.
همدارنګه ۲۵ زره دبېرو، ۴۰ زره غوړاسکي، ۵۰ زره یوکالپټس ۴۰ زره د ویلکمر نیالګي به په راتلونکې کې هېوادوالو ته د کرنې وزارت دپالیسۍ مطابق د کړنلارې او لایحي له مخی ورکړل شي.
په ننګرهار کې درې لوی د نیالګیو دولتي روزنځایونه شتون لري، چې هر کال په زرګونه مثمر او غیر مثمر نیالګي درنو هېوادوالو، دولتي او خصوصي داراتو ته دسرسبزۍ او ښکلا په موخه ورکول کېږي.
