د پکتیکا نکي ولسوالی کې د اوبولګولو د یوشمېر پروژو بنسټ ډبره کېښودل شو
۲۹ چنګاښ ۱۴۰۲ه.ش
۳ مُحَرَّمُ الحَرام ۱۴۴۵ه.ق
د پکتیکا دکرنې، اوبولګولو او مالدارۍ رایست چارواکي وایي، چې ددې ولایت د نکي په ولسوالی کې د افغانستان لپاره د ناروې کمېټې په مالي لګښت د اوبولګولو د ۱۵ پروژو د رغولو د بنسټ ډبره کېښودل شو، چې ټولیز لګښت یې ۱۵۷۵۰۰ امرکایي ډالرو ته رسېږي.
دغه پروژه، چې د افغانستان لپاره د ناروې کمېټې په مالي او د ګومل فرعي سیندیزې حوزې ریاست تر نظارت لاندې پلي کېږي د اوبو د زېرمه کولو واړه بندونه، ټرنچونه، استنادي دېوالونه، تحکیم کارۍ او دغه راز د کانالونو پآک کارۍ په کې شاملې دي.
د دغو پروژو په پلي کولو سره د سیمې ۱۵۰۰ کسانو ته د کار زمینه برابره شوې، چې هر کاریګر ته د شلو ورځو په بدل کې د ۱۰۰ امیکایي ډالرو معادل افغانۍ ورکول کېږي.
ددغو پروژو موخه د بزګرانو کروندو ته پر وخت اوبه رسول، د اوبو د ضایعاتو مخنیوي، خلکو ته دکار زمینه برابرول او په ټوله کې د اوبو مدیریت دی.
