د پکتیا د کرنې رییس د اړیکو دفتر چارواکو سره وکتل
د پکتیا د کرنې، اوبولګولو او مالدارۍ ریاست وایي، چې ددې ولايت د کرنې رییس الحاج مولوي عبدالرؤف سعيد د اړیکو دفتر چارواکو سره د همغږۍ ناسته تر سره کړه.
په دې ناسته کې په پکتیا کې د یاد دفتر چارواکو، له مرکزي دفتر څخه راغلی هر یو ډارک فرینس او محمد ګل واحدي د نظارت او ارزیابس غړی، د پکتیا ولایت د اړیکو دفتر ولایتي مسئول شریف الله ایوبي، د کرنیزو چارو آمر عبدالله حلیم زی، د مالدارۍ آمر نورالله، د طبیعي سرچینو آمر زاهب الله ارسلا او د يادې ادارې عمومي مديرانو ګډون کړی وو.
په دې ناسته کې په دوه اړخېزه همکاريو د بحث ترڅنګ د ښې همغږۍ په رامنځته کولو ټينګار وشو، همداراز د اړیکو دفتر د نظارت او ارزیابۍ مسئول ډارک فرینس د پکتیا کرنې رییس سره د خپلو راتلونکو پروژو په اړه معلومات شریک کړل.
ښاغلي سعید د اړیکو دفتر له چارو څخه د خوښي ترڅنګ له دوی سره د چارو د ښه تنظيم او پروژو د موثر تطبيق په برخه کې د هر راز همکارۍ ژمنه وکړه، او له دوی یې وغوښتل، چې خپلې پروژې د کرنې رياست سره په همغږۍ سرته ورسوي، نوموړي همداراز وويل چې د يادو پروژو په پلي کېدو سره به د کرنې په برخه کی سهولتونه هم رامنځته کړي.
او همدارنګه ښاغلی سعید د اړیکو دفتر د نظارت او ارزیابۍ مسئول ښاغلی ډارک فرینس څخه د کرنې، اوبو لګولو او مالدارۍ برخه کې د نورو ګټورو پروژو د پلي کولو غوښتنه وکړه.
