لغمان کې د ځمکې غصب او غصب شويو ځمکو بېرته راکرځولو کمېټې پنځه پنځوسمه غونډه دائره شوه
۲۰ چنګاښ ۱۴۰۲ه.ش
۲۳ ذیالحِجّة ۱۴۴۴ ه.ق
لغمان کې د ځمکې غصب او غصب شويو ځمکو بېرته راکرځولو کمېټې غړو د لغمان دکرنې رييس مولوی محمد ولي محسن په مشرۍ د لغمان د ولایت مقام په میلمستون کې خپله پنځه پنځوسمه غونډه دائره کړه.
د غونډې په پيل کې د لغمان دکرنې رييس او د کمېټې مشر مولوي محمدولي محسن لارښوونکې وینا ویلو ترڅنګ د تېرې غونډی دپریکړو دتطبیق ارزونه وکړه.
په دې غونډه کې کې تخنیکي پلاوی له خوا د یوشمېر هغو کسانو دوسیې او عرضې و څېړل شول، چې یادې کمېټې ته عارض شوي ول او ترڅنګ یې د یادې کمېټې له خوا غوښتل شویو کسانو سره د دوی د موضوع په هکله خبرې اترې وشوې.
ددې غونډې په ترڅ کې پر یوشمېر نورو اړینو موضوعاتو د خبرو اترو ترڅنګ یولړ اساسي او بنسټیزې پرېکړې وشوې او ترڅنګ یې د چارو د لا ښه پرمختګ په پآر د غونډې د ګډونوالو نظرونه او وړاندیزونه هم واخیستل شو.
باید وویل شي، چې د لغمان ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
