د ننګرهار کانال شرکت: ٢٠٠ جريبه ځمکه کې جوار او سویابین کرل کېږي

۱۷ چنګاښ ۱۴۰۲ه‍.ش
۲۰ ذی‌الحِجّة ۱۴۴۴ ه‍.ق
د ننګرهار کانال شرکت چارواکي وایی، چې د یاد شرکت اړوند درېيم فارم  په ٢٠٠ جريبه ځمکه کې د جوارو هايبريډ اصلاح شوي تخم او سويابينو د کښت چارې  پیل شوي دي.
د یاد شرکت چارواکي وايي، چې د ننګرهارکانال په درېيم فارم کې له  ٢٠٠ جریبه ځمکې څخه په ١٥٠جريبه ځمکه کې اصلاح شوي جوار او په کابو ٥٠ جريبه ځمکه کې د سويابينو د کښت چارې پېل شوي دي، چې په زیاته پېمانه به جوار او سويابين ترې ترلاسه شي.
دا جوار او سويابين هلال هډه وال کرنیز شرکت  د ننګرهار کانال په ځمکه د شوي قرارداد  له مخې کري.
د هلال هډه وال کرنيز شرکت يو تن مسوول ډاکتر عبدالغفار لودين وویل "زموږ شرکت اړ دی، چې د شوي قرارداد له مخې به ٣٠سلنه جوار، د جوارو ټانټې د مالدارۍ فارم شته غواګانو خوراک لپاره، او په همدې اندازه به سويابين هم ننګرهار کانال ته ورکوي.
د ياد قرارداد له مخې به  ياد شرکت د ځمکې اجاره نه ورکوي .
اوپه دى جوارو او سويابينو د کښت لګښت او د سمبالونې چارې به د ياد شرکت په غاړه وي.
بايد وويل شي ددغو جوارو او سويابينو د کښت چارې د درېيم فارم د امر انجنير قيس الله، د ياد فارم د مديرانو؛ د ياد قراردادي کرنيز شرکت مسوول او نورو چارواکو په حضور کې پېل شوې.