لوګر کې د ځمکې د غصب مخنیوی او غصب شویوځمکو د استرداد تخنیکي پلاوی غونډه دائر شوه
١٥ چنګاښ ۱۴۰۲ه.ش
١٨ ذیالحِجّة ۱۴۴۴ ه.ق
لوګر کې د امارتي ځمکو د غصب مخنیوی او غصب شویو ځمکو د بېرته راګرځولو تخنیکي پلاوی اونیزه غونډه دائر شوه.
په جوړه شوې غونډه کې دلوګر د کرنې او د غصب مخنیوی تخنیکی پلاوی رییس مولوی سید امین هاشمي سربېره د حج او اوقافو رییس، د کار او ټولنیزو چارو رییس، ښار جوړونې رییس، مستوفیت رییس، د امنیې قومندانۍ امنیت آمر ،د قضای امارت آمر او د کدستر عمومي مدیر ګډون کړی وو، او پر بیلا بیلو موضوعاتو د بحث ترڅنګ هغه اسناد چی له خلکو تر لاسه شوی وو وڅېړل شول.
باید وویل شي،چې د تخنیکي پلاوی غړو ته د کمیسیون له لوری جوړه شوې کړنلاره ووېشل شوه تر څو ورڅخه په کړنو کې کار واخلي، د غصب مخنیوی تخنیکی پلاوی رییس د تېرو بررسي شویو دوسیو د تکمیل یا عدم تکمیل په اړه د پلاوی سکرتریت څخه معلومات واخیستل او اړونده مدیرانو ته یې د کار لا ښه والي اوچکټیا اړوندلازمی سپارښتنې او لارښوونې وکړې.
ددې غونډې په لړ کې د لسګونو مراجعینو املاکي ستونزې په مخامخ ډول واورېدل شول او هغوی ته یې د اصولو له مخي د قانوني کړنو ډاډ ورکړ.
