د ننګرهار کانال ریاست کې د نویو مېوو د ترویج په پار هڅې

د ننګرهار کانال ریاست چارواکي وایي، چې ددې کانال اړوندو بڼونو کې د نویو مېوو د ترویج په پار هڅه کوي.
د ننګرهارکانال رییس مولوي غلام الرحمن کظیم وايي، چې پخپلو قوریو کې به د اووکادو / ایوکاډو مېوې بوټي تربیه او له روزنې او ترویج وروسته به يې پخپلو قوریو او ځمکو کې وکري، ځکه دا بوټې روغتیايي ، اقتصادي میوه ده.
ایوکاډو د ناک په شکل یو استوایي مېوه ده، چې تور شنه پوټکي لري، چې په مینځ کې لوی کوراو کریمي جوړښت لري.
 دا بې ساري میوه چې ګڼې روغیتايي، خوړنیز او اقتصادي ارزښت لري او د کروکوډیل ناشپاتۍ په نوم هم پېژندل کېږي.
 دا مېوه په ګرمو او استوایي سیمو کې کرل کېږي او په صحي غوړو کې بډایه ده. 
 دا استوایي مېوه ۴۰۰ بېلابېل ډولونه لري او د کښت کولو وروسته مېوه ترلاسه کول دوه یا درې کاله وخت نیسي.
 د دې میوې په جوړښت کې ډیری منرالونه او مغذي مواد شتون لري، چې په روغتیا مستقیم اغیز لري.