د ننګرهار کانال رییس: د نارنجو بڼونو ډېرولو په پار هلې ځلې کوو
۱۲ چنګاښ ۱۴۰۲ه.ش
۱۵ ذیالحِجّة ۱۴۴۴ ه.ق
د ننګرها کانال ریاست چارواکي وایي، چې د نارنجو د حاصلاتو د ډېرښت او لا پاملرنې په پار هڅې کوي، چې سږ کال یې هم د نارنجو ونو حاصلات د پام وړ دي.
د ننګرهار کانال ریاست چارواکي وایي، چې د یاد کانال په څلورګونو فارمونو کې د نارنجو له شته بڼونو څخه یونیم میلیون او ۲۱۰ زره افغانۍ عواید راټول شوي دي.
د ننګرهار د کانال رییس مولو غلام الرحمن کظیم وویل: «په څلورګونو فارمونو کې په کابو ۲۰۰ جريبه ځمکې د نارنجو بڼونو جوړ شوي دي. پلان دادې چې په نږدې راتلونکې کې به د نارنجانو بڼونه لا ډېر کړو.»
د ننګرهار په ولایت کې له تېرو څه باندې ۵۶ کالو راهیسې هرکال په رسمي بڼه د ننګرهار په مرکز جلال اباد کې د نارنج ګل دودیزه مېله او مشاعره ترسره کېږي، چې په خپل اصل کې د هېواد په کچه د سترو مېلو او مشاعرو په ډله کې حسابېږي.
