د ننګرهار هډې فارم کې تفریحي پارک او لوبغالی جوړېږي
۱۱ چنګاښ ۱۴۰۲ه.ش
۱۴ ذیالحِجّة ۱۴۴۴ ه.ق
د ننګرهار کانال ریاس چاراکي واي،ي چې د یاد ریاست اړوند «هډې فارم» سیمه کې تفریحي پارک او لوبغاړی جوړېږي.
د ننګرهار د کانال رییس مولوی غلامالرحمن کظیم وایي، چې د دې ولایت اړوند هډې فارم په عبدالخېلو سیمه کې تفریحي پارک او لوبغاړی جوړولو چارې پیل شوي دي، چې د ننګرهار سرپرست والي مولو محمد رباني ناصح، چپرهارولسوال قاري ساجد خوګیاڼې، د استخباراتو مرستیال قاري محمد یاسر، د ننګرهارکانال شرکت د دفتر امر قاري شکیل احمد خېرخواه او یوشمېر نولو چارواکو له لوري د پټۍ په پرې کولو سره پرانیستل شوه.
ښاغلی کظیم وویل؛ د ننګرهارکانال شرکت د هډې فارم تفریحي پارک چې شاوخوا یوه نېمه لسیزه وړاندې جوړ شوی و، له بده مرغه یو شمېر هېوادوالو ترې سالمه ګټه نه پورته کوله، بوټي او ګلان به يې ماتول، ددې لپاره چې ددې پارک څخه سالمه ګټه اخیستل شوی وي، ننګرهارکانال شرکت دغه ۲۴ جریبه پارک نواب صداقت کرنیز شرکت ته د اوږد مهال لپآره په اجاره ورکړ.
ددغه شرکت مسوول صداقت غورځنګ وايي چې خوښ دی او یاد پارک ته يې د هډې فارم پارک او لوبغالي نوم غوره کړی.
د نوموړي په وینا د یاد تفریحي پارک د بشپړ جوړولو لپاره يې شاوخوا ۳۵ میلیونه افغانۍ ځانګړې کړي، او تر دې دمه يې د یاد پارک په زانګوګانو، کټارې نصبولو، حوضونو جوړولو، کانتین، سړکونو او نورو برخو باندې شاوخوا ۷ میلیونه افغانۍ لګښت کړې .
د هډې فارم پارک او لوبغالی به د سالمې تفریح ټولې اسانتیاوې لکه زانګوګانې، هوټلونه، د ولیبال، کرکټ او فوټسال میدانونه، ناستې لپآره مناسب ځایونه، د ماشومانو تفریح لپاره مناسبې سیمې، لامبلو حوضونه، ریل ګاډې او نور اړینې برخې ولري .
