کونړ کې د ځمکې غصب او غصب شويو ځمکو بېرته راکرځولو کمېټې هلې ځلې
دکونړ د امارتي (سلطاني) عامه مرعي او وقفي غصب شویو ځمکو، د غصب مخنيوي او استرداد کمیسون اړوند، د تخنیکي پلاوی د امارتي ځمکو د غصب مخنیوی او غصب شویو ځمکو بېرته راګرځولو په پار هلې ځلې کړندي کړي دي.
ددغو هلو ځلو په دوام یاد تخنیکي پلاوی دکونړ دکرنې رییس مولوي شیر اقا (پیر حبیب الرحمن) په مشری ددې ولایت خاص کونړ ولسوالی ته د سفر په ترڅ کې ددې ولسوالی له سیمه ییزو چارواکو او قومي مشرانو سره په لیدنه کې د امارتي ځمکې دغصب مخنیوي او غصب شویو ځمکو بېرته را ګرځولو په پار خبرې وکړې. ددې لیدنې په ترڅ کې د یادې ولسوالی چارواکو له تخنیکي پلاوي سره د هر راز همکاریو ډاډ ورکړل.
دغه راز د کونړ ولایت د ځمکې غصب او غصب شویو ځمکو د بېرته راګرځولو تخنیکي پلاوي یوشېر نور غړي د خلکو عریضې او دوسیې وڅېړل او په هکله یې لازمې پرېکړې وکړې.
ددې ترڅنګ یاد پلاوي له یوشمېر کسانو سره په لیدنه کې د دوی ستونزې واورېدل او د ستونزو د حل په موخه یې له دوی سره د هراز همکاریو ژمنه وکړه.
باید وویل شي، چې د کونړ ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
