د پکتیا دکرنې رییس؛ هڅه وکړئ ترڅو ولسونو ته د کرنې په برخه کې با ارزښته پروژې پلي شي
۲۱ غبرګولی ۱۴۰۲ه.ش
۲۲ ذو القعدة ۱۴۴۴ ه.ق
د پکتیا دکرنې، اوبولګولو او مالدارۍ رییس مولوی عبدالرؤف سعد د «AWSDC» مؤسسې له چارواکو سره په لیدنه کې پر بېلابېلو موضوعاتو خبرې وکړې.
مولوی عبدالرؤف سعید د AWSDC برنامې چارواکو ته د ښه راغلاست ترڅنګ د دوی د دغه ډول کړنو چې په راتلونکي کې به د یاد ریاست سره په همغږۍ پیل شي خوښي وښوده او ټینګار یې وکړ چې څومره زر وي د یادو فعالیتونو لومړني او مقادماتي کارونه پیل شي.
ښاغلی سعید دوی ته په ډاډ سره د کرنې رياست د بشپړې همکارۍ د ژمنې ترڅنګ وويل، چې کوښښ وکړئ ترڅو ولسونو ته د کرنې په برخه کې با ارزښته پروژې پلې کړئ.
ورپسې د AWSDC همکارې برنامې چارواکو په خپل وار د پکتیا د کرنې ریاست سره د کرنې په برخه کې خپل پلانونه شریک او د راتلونکوفعالیتو په اړه مفصل معلومات وړاندې کړل.
