خوست کې یوشمېرمالدارانو سره د اړینو توکو مرسته وشوه
۷ غبرګولی ۱۴۰۲ه.ش
۸ ذو القعدة ۱۴۴۴ ه.ق
د خوست دکرنې، اوبولګولو او مالدارۍ ریاست د پاملرنې مؤسسې په همکارۍ ددې ولایت مرکز کې ۲۵ مالدارانو سره د اړینو توکو او د څارویو د خوراکي توکو مرسته وکړه.
د چارواکو په خبره یادو ۲۵ مالدارانو هر یوه مالدار ته ۹۶۰ کیلوګرامه بوس، ۶۳۰ کیلوګرامه بېده، ۲۰۰ کیلو ګرامه حیواني خوراکه، څلور کلچې صابون، یوه جوړه موزه، یوه پلاستيکي سطل، یوه پلاستیکي څوکی، ماسکونه، دوه جوړې دستکشې، د شېدو فلتر، دوه دانې برسونه، شامپو او ۵۰۰ نغدې پیسې ورکړل شوي دي.
ددې مرستې موخه د مالدارانو ملاتړ او په ټوله کې په دې ولایت کې د مالدارۍ سکټور ته ودې او پراختیا ورکول دي.
