د لغمان کرنې ریاست کې سکټوري غونډه دائره شوه

دلغمان د کرنې، اوبولګولواومالدارۍ ریاست سکټوري او تخنیکي غونډه  ددې ولایت دکرنې، اوبولګولواومالدارۍ رییس الحاج مولوي محمدولي محسن په مشرۍ په داسې حال کې ترسره شوه، چې ددې ریاست امرینو او مدیرانو سربېره، دکرنې سکتور اړوند ولایتي ریاستونواستازو او د لغمان د کرنې ریاست سره دهمکارو غیردولتي موسساتو چارواکو په کې ګډون درلوده.
 دلغمان دکرنې، اوبولګولواومالدارۍ رییس مولوي محمدولي محسن دغونډې برخوالوته دښه راغلاست ویلو ترڅنګ لارښوونکې وینا وکړه وویل: "دخوشحالۍ ځای دی، چې یوځل بیا  د کرنې ریاست سکټوري اوتخنیکي غونډه کې په ګډه سره د ولسونوستونزو ته درسېدنې په چارو کې د ښې همغږۍ او متوازنې پراختیا په موخه سره راټول یو"
ښاغلی محسن د همکارو موسسو له چارواکو څخه وغوښتل اوسپارښتنه یې ورته وکړه، چې د مرستو د وېش پرمهال باید له شفافیت څخه کارواخلي اومستحق کسان سروې کړي، هغه زیاته کړه چې دلا شفافیت او مستحقو وګړو په پېژندنه کې د سروې پرمهال باید دلغمان د کرنې ریاست استازي سربېره د جومات ملا امام شتون ولري.
 همداراز نوموړي دا هم وویل، چې همکارې موسسې باید د پروژو د تطبیق په برخه کې د کمیت ترڅنګ کیفیت ته ځانګړې پاملرنه وکړي.
 ورپسې دلغمان د کلیو، بیارغونې او پراختیا رییس مولوي محمدظاهر زرکمر دخپل ریاست اړوند دپرمختیايي پروژو دتطبیق راپور په لړ کې وویل، چې تر دې مهاله یې ولسونو ته څلورسوه د صحي اوبو څاه ګانې ویستي دي، هغه زیاته کړه چې دلغمان لرې پرتو سیمو ته یې فرعي سړکونه جوړ کړي دي، نوموړي دا هم وویل، چې په نږدې ورځو کېد نړیوال بانک په مرسته به ١٨٩ پروژې د علیشنګ، بادپښ او علینګار ولسوالیو کې په مختلفو برخو کې پلې شي.
 په ورته مهال د لغمان د کرنې ریاست سره اړوند همکارو مؤسسو او دسکټور اړوند ریاستونو استازو خپل کاري راپورونه او راتلونکي پلانونه دلغمان  دکرنې، اوبولګولو او مالدارۍ رییس سره شریک کړل.