د ننګرهار حصارک کې د کانالونو او ویالو د بیا رغولو پروژه پیلېږی

د ننګرهار ولایت د کرنې، اوبولګولو او مالدارۍ رییس مولوی عبدالستار محمد د خپل کار په دفتر کې د "DRC" موسسی له مسؤلینو سره وکتل. 
په کتنه کې د "DRC" موسسې مسؤلینو د خپلو راتلوونکو پروژو د پیلیدو په اړه د ننګرهار د کرنې ادارې رییس سره معلومات شریک کړل، او زیاته يي کړه، چې د "DRC" موسسه به ډېر ژر د ننګرهلر حصارک ولسوالی کې د کانالونو او ویالو د بیا رغولو پروژه پیل کړي.
 هغوی دا هم وویل، چې د ننګرهار په ډېرو ولسوالیو کې يي د طبیعې پېښو له امله زیانمن شویو کروندګرو او مالدارانو سره د بیړنیو مرستو ترسره کولو په موخه سروی پیل کړي او تمه کېږي، چې د مرستو د ویش پروژه به ژر پیل شي. 
په همدې حال کې، دننګرهار د کرنې اداری رییس خوښي څرګنده کړه او د پروژو ژر پیلیدو غوښتنه يې وکړه او د پروژو د تطبیق برخه کې يې د همکارۍ ډاډ ورکړ، او همداراز سپارښتنه يي وکړه چې باید کوښښ وشي تر څو کروندګرو او مالدارانو ته پرمختیايي، پایداره او اغیزناکې پروژې پلي شي، تر څو د وروستیو اورښتونو له امله ور اوښتی زیانونه يي جبران او اقتصاد يې پیاوړي شي.