د ننګرهار کانال ریاست کې د تفریحې پارک او کلیکسیون بڼ جوړولو چارې روانې دي
د ننګرهار کانال ریاست چارواکي وایي، چې د یاد ریاست د هډې فارم اړوند عبدالخېلو بلاک، چې د خېوې ولسوالی شګي کلی کې شتون لري، په ۱۳ جریبه ځمکه کې یې د تفریحي پارک او کلیکسیون بڼ جوړولو چارې په چټکۍ روانې دي.
د چارواکو په خبره په دې کلیکسیون بڼ کې اوسمهال ۴۵۰ دانې بېلابېل مېوه لرونکي او بې مېوې نیالګې اېښودل شوي دي.
د یاد تفریحي پارک او کلیکسیون بڼ جوړولو چارې کړندۍ روانې دي، چې ډېر ژر به یې چارې بشپړ او ګټې اخیستنې ته به وسپارل شي.
