د ننګرهار بهسودو ولسوالی کې کروندګرو سره د ټراکټورونو مرسته وشوه

۲۰ غویی ۱۴۰۲ه‍.ش
۲۰ شَوّال المُکَرَّم ۱۴۴۴ ه‍.ق
د ننګرها ولایت د کرنې، اوبولګولواو مالدارۍ ریاست تر چتر لاندې د خوړو نړیوال پروګرام (WFP) په مالی لګښت او د افغانستان د راتلوونکو نسلونو خیریه موسسې (FGA)  لخوا د بهسود ولسوالی اړوند میرانو او خوشګنبد سیمه کې د کروندګرو جوړو شویو ټولنو ۴۰۰ تنو ته دوه ټراکټورونه سره د قلبې او بلیډ، دوه ټرالۍ، دوه بار وړونکې زرنج، دوه ګرځنده ژرندي او دوو تریشرو مرسته ترسره شوه. 
په همدې موخه په جوړه شوي غونډه کې د ننګرهار دکرنې، اوبولګولو او مالدارۍ رییس مولوی عبدالستار محمد کروندګرو ته سپارښتنې وکړې او زیاته يې، کړه چې د مرسته شویو وسایلو څخه سالمه ګټه پورته کړي او هم يي ښه ساتنه وکړي. 
وروسته کروندګرو د کرنې ریاست کړنې وستایلي او د کرنې اداری رییس ته يي د ښو کړنو ترسره کولو په موخه د اعزاز پټکې په سر کړ. 
د یادونې وړ ده چې په غونډه کې د ننګرهار دکرنې رییس سربیره د بهسودو ولسوالی ولسوال، د FGA موسسې مسؤلین، قومي مشران او ځوانانو برخه درلوده.
ددې مرستې موخه د بزګرانو ملاتړ او د میکانیزه کرکیلي دودول ښودل شوي دي.