د میدان وردګو ولایت د غصب د مخنیوي او غصب شوو ځمکو د استرداد تخنیکي ټیم غونډه تر سره شوه
۱۹ غویی ۱۴۰۲ه.ش
۱۹ شَوّال المُکَرَّم ۱۴۴۴ ه.ق
د میدان وردګو ولایت د غصب د مخنیوي او غصب شوو ځمکو د استرداد تخنیکي ټیم د لازمو پرېکړو اړوند غونډه تر سره شوه.
ياده غونډه چې د میدان وردګو ولایت د کرنې ریاست کې جوړه شوې وه، پکې د میدان وردګو ولایت د کرنې رییس مولوي عبدا لجبار خالد، او دعدلیې رییس، دښارجوړونې رییس، د کاراو ټولنیز دچارو رییس، دارشادحج او اوقافو رییس، د څارنوالۍ رییس،د امنیې قومندانۍ مرستیال، د ښاروالۍ ریاست استازی،د مستوفیت رییس د اراضي د کدستر د سروې مدیر شتون درلود.
د غونډې په پیل کې د میدان وردګو ولایت دکرنې رییس مولوی عبدالجبار خالد وینا وکړه او په هغو ستونزو او مشکلاتو يې رڼا واچوله چې د میدان وردګو ولایت د غصب د مخنیوي او غصب شوو ځمکو د استرداد تخنیکي ټیم به ورسره د کار په جریان کې مخامخ کېږي.
وروسته د عدلیې رییس او د قضایای امارت آمر، چې د تخنیکي پلاوي د ستونزو د حل په پار مرکزي کمیسیون ته سفر کړی وو، له تخنیکي پلاوي سره د خپل سفر جزیات شریک کړل.
دغه په دې غونډه کې چک ولسوالی ته د سفر پر موضوعاتو د جلریز ولسوالی د سنګلاخ په دره کې د داوودخان دولتي بڼ پر موضوع د مرکز میدان ښآر اړوندو موضوعاتو خبرې اترې شوې.
د غونډې په جریان کې د تخنیکي ټیم غړو په نوبتي ډول خپل نظریات شریک کړل او د تخنیکي ټیم د چارو د منظم پرمخ وړلو لپاره په ځینو اړینو مسایلو اړوند خبرې اترې وشوې.
