ختیځ زون کې ۲۳۹۸ متریک ټنه د غنمو اصلاح شوي تخمونه تولیدېږي 

۱۳ غویی ۱۴۰۲ه‍.ش
۱۳ شَوّال المُکَرَّم ۱۴۴۴ ه‍.ق
د ننګرهار د کرنې، اوبولګولو او مالدارۍ ریاست اړوند تخمونو ته د تصدیق ورکړې امریت چارواکي وايي، چې دننګرهار د کرنې ریاست څېړنیز فارم او  دولتي کرنیز شرکت (تصدۍ) په ګډه، د تخمونو تولیدي خصوصي شرکتونو لخوا د غنمو اصلاح شویو تخمونو د تولید په موخه ۳۴۱۰ جریبه ځمکه کرل شوې ده او اټکل کېږي چې ۲۳۹۸ متریک ټنه د غنمو با کیفیته اصلاح شوي تخمونه ترې تولید شي.
د ننګرهار دکرنې ریاست چارواکي وایي، چې دننګرهار د کرنې ریاست څېړنیز فارم کې ۳۶ جریبه، تصدۍ لخوا ۹۳۷ جریبه، شرق کرنیز شرکت لخوا ۶۳۳ جریبه، هلال هډوال کرنیز شرکت لخوا ۳۹۶ جریبه، ودان کرنیز شرکت لخوا ۱۶۰ جریبه، کنړ کرنیز شرکت لخوا ۳۰۰ جریبه، درانی کرنیز شرکت ۱۸۶ جریبه، الروحید کرنیز شرکت لخوا ۸۲ جریبه، پل بهسود کرنیز شرکت لخوا ۳۰۰ جریبه، همدرد غزنیوال کرنیز شرکت لخوا ۱۰۰ جریبه، سعادت غفوری کرنیز شرکت لخوا ۲۴۰ جریبه او کابل سیډ کرنیز شرکت لخوا ۴۰ جریبه ځمکه د غنمو اصلاح شویو تخمونو تولید په موخه کرل شوي دي، چې د تفتیش ټولې مرحلې يې بشپړې شوي دي او تمه کېږي چې ۲۳۹۸ متریک ټنه د غنمو باکیفیته اصلاح شوي تخمونه تولید کړي.
د غنمو اصلاح شوي تخمونو تولید د بزګرانو د حاصلاتو لوړولو کې رغنده رول لري او هېواد د غنمو د تولید په برخه کې ځان بسیاینې ته نږدې کوي.