خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
۱۲ غویی ۱۴۰۲ه.ش
۱۲ شَوّال المُکَرَّم ۱۴۴۴ ه.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې ورځې په ځينو مهمو موضوعاتو باندې مفصلې خبرې وشوې.
دغه راز په دې غونډه کې د عدلیې وزیر سره د خوست د تخنیکي پلاوي یوشمېر غړو د لیدنې جزیات ګډونوالو سره شریک شول چې په اړه به یې لازم تصميم ونيول شي. دغه راز غونډه کې د خان صاحب په نوم شخص سره د هغې د موضوع په اړه بحث وشو او همدارنګه د یو شمېر نورو هغو اشخاصو سره جر و بحث وشو چې دوی غونډې ته را بلل شوي وو.
له دې وروسته د تخنيکي پلاوی يو ګروپ د خوست دکرنې په ریاست کې د هغو اشخاصو لپاره چې دوی د خپلو اسنادو سره یو ځای غونډې ته را بالل شوي وو پاتې شو.
همداراز د تخنيکي پلاوی دویم ګروپ صبریو ولسوالی ته لاړ چې هلته یې د کورړو د څلورو امارتي قطعاتو څخه هر اړخیزه لیدنه وکړه، چې په اړه به یې تصمیم ونیول شي، او همدارنګه په ذکر شوي قطعاتو کې نوي تصرفات په مطلق ډول بندل کړل.
دغه راز د علیشیرو اوتریزیو اړوند سیمو کې او هم د مرکز مربوط کاروان سرای سیمه کې نوي تصرفات په مطلق ډول بندل کړل او اشخاصو ته یې هدایت وکړ چې خپل اعتبار وړ اسناد تخنیکي پلاوی راتلونکي غونډې ته وړاندې کړي.
په دې غونډه کې دغه راز د راتلونکې کار د پلان پر جوړولو او د چارو د لا ښه پرمختګ په پار نظرونه وړاندې شول.
