لغمان کې د ځمکې غصب او غصب شويو ځمکو بېرته راکرځولو کمېټې نهه دېرشمه غونډه
لغمان کې د ځمکې غصب او غصب شويو ځمکو بېرته راکرځولو کمېټې غړو د لغمان دکرنې رييس مولوی محمد ولي محسن په مشرۍ د لغمان د ښاروالۍ په رياست کې خپله اته دېرشمه غونډه دائره کړه.
د غونډې په پيل کې د لغمان دکرنې رييس او د کمېټې مشر مولوي محمدولي محسن لارښوونکې وینا ویلو ترڅنګ د تېرې غونډی دپریکړو دتطبیق ارزونه وکړه.
په دې غونډه کې د کور او ښارجوړونې رییس حسین احمد تیلوي د سلطان غازي بابا سیمې د دوه بلند منزلو دغصب شوې ځمکه کې د شاملو متصرفو اشخاصو دکورونو حجمي براورد راپورتخنیکي پلاوی غړو ته وړاندې کړ چې تخنیکي پلاوی دکتنې وروسته دتائید وړ وګرځیده.
په ورته مهال دمرکز اړوند د دامان قلعه اوسیدونکي محمد زمان متصرف شخص د تیلو پمپ د ځمکې دغصب موضوع او د هم دې سیمې اوسیدونکي نظرافشاه متصرف شخص د مارکیټ دځمکې دغصب په دوسیه بحث ترسره شو دبحث څخه وروسته دواړه متصرف اشخاص را وغوښتل شوو او د ځمکې د قانوني اسنادو غوښتنه ترې وشوه چې د نوموړو متصرفینو سره دملکیت کوم قانوني اسناد شتون نه لره چې تخنیکی پلاوی ته یې وړاندې کړي په ترڅ کې دتخنیکي پلاوی له لوري دواړو متصرفو اشخاصو ته وویل شو چې دواړه دوسیې مرکزي کمېسیون ته دنهایي پریکړې لپاره لیږي او دکمېسیون تر نهایي پریکړې پورې به په ملکیت کې نوي تصرفات نه کوي همداراز له دواړو څخه د موضوع په اړه استحضاري واخیستل شوه.
باید وویل شي، چې د ځمکو د غصب د مخنيوي کميټې تر دې دمه په لغمان ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
