د هلمند دکرنې رییس ددې ولایت د فرمانونو او حکمونو د تعقیب اونظارت له رییس سره وکتل 

د هلمند ولایت د کرنې، اوبولګولو او مالدارۍ رییس مولوي نظرمحمد صدیقي د خپل کار په دفتر کې ددې ولایت د دفرامینو او حکمونو د تعقیب او نظارت رییس مولوي عبدالجبار هجرت سره وکتل.
د یادې لیدنې پر مهال د هلمند ولایت د دفرامینو او حکمونو د تعقیب او نظارت رییس مولوي عبدالجبار هجرت وویل :« د عالیقدر اميرالمؤمنین د فرامینو، احکامو او هدایاتو د رعایت او تطبیق څخه د څرنګوالي په موخه د بیلابیلو ادارو څخه لیدنې او ارزونې کوي او بیا یې په اړه عالي مقاماتو ته ګذارش ورکوي ، تر څو د مشرتابه هدایتونه په وخت او زمان باندې پلي کړل شي».
ښاغلی هجرت همدارنګه  د فرمانونو او حکمونو د تعقیب اونظارت لوی ریاست ددندو او واکونو یو جلد قانون د هلمند دکرنې رییس په واک کې ورکړ.
ورپسې د هلمند ولایت د کرنې، اوبولګولو او مالدارۍ رییس مولوي نظرمحمد صدیقي دهلمند کرنې ریاست ته د راغلو فرامینو، مصوباتو او احکامونو په اړه معلومات وړاندې کړل او وې ویل، چې د مشرتابه ټولې لارښونې او هدایتونه چې دې ادارې ته رارسیدلي دي ، ټولو مربوطه امرینو او مدیریتونو ته تکثیر سوي دي تر څو په ورځنیو چارو کې په جدي ډول په پام کې ونیول سي او له مخې یې خپلې کړنې عیارې کړي .
په وروستیو کې د کرنې ادارې په برخه کې د مشرتابه د فرامینو د تطبیق او رعایت په برخه کې د ترسره شویو اجرائتو پوښتنلیک ددې ادارې رییس په واک کې ورکړل شو تر څو مربوطه څانګې یې ددقیقو او مستندو ځوابونو څخه وروسته بېرته د یاد ریاست په واک کې ورکړي.