د هلمند ګرشک کې بزگرانو ته د غنمو د ناروغيو په هکله عامه پوهاوی ورکول کېږي
۲۹ وری ۱۴۰۲ه.ش
۲۷ رَمَضانُ المُبارَک ۱۴۴۴ ه.ق
د هلمند دکرنې، اوبولګولو او مالدارۍ ریاست وایي، چې ددې ولایت ګرشک ولسوالی کې د کرنې ادارې اړوند دبوټو ساتنې مدیریت کارمندانو او سیمئیزو مسؤلینو لخوا د کفشک حشرې د میخانیکي مخنیوى په اړه بزګرو ته په عملي او نظري ډول زده کړې ورکول کېږي.
د كفشك حشره چې هلمند کې پر غنمو حملې کوي، د غنمو له شيرې، پاڼو ،تنې او دانې څخه تغذيه كوي او پر همدې وخت دا حشره د غنمو دانو ته بدبويي اوزهري مواد داخلوي ، كه له دوو څخه تر درې سلنې پورې غنم كفشك خوړلي وي نو د ټولو غنمو خوند خرابيږي، ښه ډوډۍ نه وركوي او له ګټې وځي.
د هلمند د کرنې ادارې د بوټي ساتني فني کارکونکو لخوا د ګرشک په ولسوالی کې بزګرو ته دنوموړې حشرې دمخنیوي په پار په داسې حال کې عملي لارښونې پیل شوي دي، چې دا لړۍ به په نورو ولسوالیو کې هم ادامه ومومي.
