د کابل د کرنې ریاست: د نغلو لوی او فرعي کانالونو سروې ترسره شوه
٢٦ وری ۱۴۰۲ه.ش
٢٤ رَمَضانُ المُبارَک ۱۴۴۴ ه.ق
د کابل د کرنې، اوبولګولو او مالدارۍ رياست وایي، چې د سروبي ولسوالی د نغلو سیمې د لوی کانال او ورڅېرمه د ټولو فرعي کانالونو سروې يې ترسره کړي دي.
د چارواکو په خبره د نغلو سیمې د لومړی نقطې تر پایه د ٦ کیلو متره په اوږدوالی لوی کانال شتون لري، چې سم نيما درې کیلو متره یې اساسي (کانکریټ) او پاتې یې خام دي. د یاد لوی کانال اړوند ١٨ فرعي کانالونه شتون لري، چې ټول یې خام دي او د هر فرعي ١٠٠ متره اوږدوالی لري.
د یادو چارواکو په خبره ددغو کانالونو له لارې نږدې ٢٢٠جریبه ځمکه خړوبېږي
د کابل دکرنې ریاست وایي، چې د سروبي ولسوالی د ټولو سیمو د کرنیزو تولیداتو د خړوبولو اړوند د ټولو کانالونو او د یاد کانالونو د اوبو سرچینې سروې او ارزونه پیل کړي دي.
