هلمند کې د ځمکې غصب او غصب شويو ځمکو بېرته راکرځولو کمېټې غونډه

۲۳ وری ۱۴۰۲ه‍.ش
۲۱ رَمَضانُ المُبارَک ۱۴۴۴ ه‍.ق
 دهلمند د امارتي (سلطاني) عامه مرعي او وقفي غصب سوو ځمکو، د غصب مخنيوي او استرداد کمیسون اړوند، د تخنیکي پلاوی رييس مولوي نظر محمد صدیقي په مشرۍ ناسته ترسره شوه.
یاده کمېټه د معمول سره سم دهلمند د کرنې ریاست کې خپل منځي ناسته وکړه. په دې ناسته کې د ګوهرګین فارم، بولان څېړنیز فارم، د بولان پله ته څېرمه د امارتي ځمکې، د احمدشاهي مینې توسعوي پلان، او د ګڼو انفرادي اشخاصو پر موضوعاتو تر بحث وروسته لازم تصمیمونه او  اجرائت ترسره شول.
د یادولو ده، چې هلمند کې د ځمکې غصب او غصب شويو ځمکو بېرته راکرځولو کمېټه هره اوونۍ کې څو نوبتي ناستې کوي او تر څنګ یې سیمو او ولسوالیو ته په منظم ډول کاري سفرونه هم لري، چې ددغو کړنو په ترڅ کې، تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.