د ننګرهار ګوشتې کې پر ۸۰ کروندګرو کرنيز توکي او د سبو تخمونه ووېشل شول

 د ننګرهار د کرنې، اوبولګولو او مالدارۍ ریاست د "NRC" مؤسسې په همکارۍ د ګوشتې په ولسوالی کې ۸۰ تنه هغه کروندګرو ته چې پخوا يي سروې ترسره شوې وه، د سبو تخمونه او کرنیز وسایل ورکړي دي.
د ګوشتې ولسوالی د کرنیزو خدمتونو مسؤل په وینا په کرنیزو وسایلو کې (یو لاس ګاډی،يو پلاستکې پمپ، يوه بيلچه، يوه کوداله ،يوه پنجي، دوه لورونه) شامل دي او همداراز د سبو په تخمونو کې (د هندواڼو، سپینې ملۍ، سري ملۍ، پالک) تخمونه شامل دي او تر څنګ يې cypermithrine250 ml نباتي درمل هم پر دوی ووېشل شويدي.
ددې مرستې موخه د بزګرانو ملاتړ او د دوی اقتصادي ودې ته زمينه برابرول دي.