د لغمان کرنې رياست کې سکټوري غونډه جوړه شوه
۵ وری ۱۴۰۲ه.ش
۳ رَمَضانُ المُبارَک ۱۴۴۴ ه.ق
د لغمان دکرنې، اوبولګولو او مالدارۍ رياست کې د دولتي او غير دولتي مؤسساتو د استازو په ګډون سکټوري غونډه جوړه شوه.
د غونډې په پيل کې د لغمان دکرنې، اوبولګولو او مالدارۍ ریيس الحاج مولوي محمد ولي محسن پرانستونکی وینا وکړه.
ښاغلی محسن په خپلو خبرو کې: "دغه غونډه د ښې همغږۍ په موخه دهرې میاشتې په پای کې دائرېږي ترڅو ټول خدمات علی السویه، شفاف او دمتوازن انکشاف اصل په نظر کی نیولو سره ولس ته وړاندې شي او دتکراري خدماتو څخه پکې مخنیوی وشي."
ښاغلی محسن دغیر دولتي موسساتو پر مسولینو غږ وکړ چې تاسو دپروژو په ډیزاین کی له موږ سره موضوعات شریک کړی ترڅو موږ تاسو ته د ولایت په کچه دکرنې سکتور حقیقي او واقیعي ستونزې شریکې کړو او دیادو پروژو دمنظورۍ په صورت کې به ولسونو ته ددوی اړتيا سره سم مؤثرې او با ارزښته پروژې پلی ترڅو دبزګرانو ستونزې حل شي.
د لغمان دکرنې، اوبولګولو او مالدارۍ رييس دخدماتو دترسره کولو پروسه کې داجناسو او خدماتو پر کیفیت ټینګار وکړ او زياته يې کړه: "دغیر معیاري خدماتو دترسره کولو په وړاندې به هیچاته اجازه ورنکړو چی د کرنې په سکټور کې دتعامل او طرزالعمل خلاف کړنې ترسره کړي."
په دې غونډه کې دغه راز ټولو برخوالو په ترتیب سره دخپلو ترسره شویو فعالیتونو اولاسته راړونو معلومات وړاندې کړل.
