د ننګرهار کانال ریاست غصب شوي ځمکې تثبتېږي
۲۲ کب ۱۴۰۱ه.ش
۲۰ شَعبان المُعَظّم ۱۴۴۴ ه.ق
د ا.ا.ا لوړپوړي پلاوي، چې په ترکیب کې یې د ښارجوړونې وزیر مولوی حمدالله نعماني، دکرنې، اوبولګولو او مالدارۍ وزارت مالي او اداري مرستیال مولوی فضل الباري فضلي، د قضاامارت لوی رییس مولوی احسان الله وثیق، د ننګرهار کانال رییس مولوی غلام الرحمن کظیم او یوشمېر سیمه ییزو چارواکو شتون درلود ننګرهار کانال ریاست د غصب شویو ځمکو د تثبیب په پار غونډه او له سیمو څخه له نږدې لیدنه وکړه.
ددې لیدنې په ترڅ کې یاد پلاوي وویل:«ټولې شاړې ځمکې چې کرکېله په کې نه کېږي او د غصب له ګواښ سره مخ دي باید ژر تر ژره دې د کانال ریاست له خوا خکلو ته په اجاره ورکړل شي او یا دغه راز د کانال ریاست له خوا ورغول شي، او په کې فارمونه او نور تاسیسات جوړ شي.»
دغه راز یاد پلاوي د ننګرهار کانال ریاست چارواکو ته سپارښتنه وکړه، چې د یاد کانال اړوند ټولې ځمکې دې باید تثبیت او هغه ځمکې چې غصب شوي دي، د غصب مخنیوي ولایتي کمېټې ته دې معلومات ورکړل شي او ترڅنګ یې مرکز ته هم یو راپور واستول شي، چې له مرکز څخه هم په دې برخه کې مرستې او همکارۍ ووشي، ترڅو د کانال اړوند ځمکې له غصب خلاص شي.
