اروزګان کې د سمسور افغانستان تر عنوان لاندې د نیالګیو اېښودلو کمپاین پیل شو

۲۱ کب ۱۴۰۱ه‍.ش
۱۹ شَعبان المُعَظّم ۱۴۴۴ ه‍.ق
د اروزګان دکرنې، اوبولګولو او مالدارۍ ریاست وایي، چې ددې ولایت مرکز ترینکوټ سولې پارک څخه د سمسور افغانستان تر عنوان لاندې د نیالګیو اېښودلو کمپاین پیل شوی دی.
په دې اړه جوړه شوې غونډه کې د اروزګان دکرنې، اوبولګولو او مالدارۍ رییس الحاج مولوی عبدالصمد مقبول، د ارزوګان ښاروال مولوی محمدرفیق هنر، د اطلاعاتو او فرهنګ رییس قاري اغاولي قریشي، د چاپېریال ساتنې رییس مولوی خلیل الله عمري، د اروزګان دکرنې ریاست د طبیعي سرچینو آمر مولوی عبدالمنان فاروقي او یوشمېر نورو چارواکو او د سیمې اوسیدونکو ګډون کړی ؤ.
ددې کمپاین په ترڅ کې به د اروزګان ولایت په بېلابېلو سیمو کې زرګونه نیالګي کېښودل شي.
باید وویل شي، چې دکرنې وزارت له خوا هر کال د کب په میاشت کې د نیالګيو اېښودلو ملي کمپاین پیلېږي، چې په ترڅ کې یې د هېواد په ۳۴ ولایتونو کې میلیونونه مثمر او غیر مثمر نیالګي اېښودل کېږي. د کرنې، اوبولګولو او مالدارۍ وزارت د طبیعي سرچینو لوی ریاست سږکال هم څه باندې دوه میلیونه نیالګي تولید کړی دی او ترڅنګ یې د قوریه لرونکو ټولنې او مؤسسې هم څه باندې ۳۲ میلیونه نیالګي تولید کړي دي او ټآکل شوې ده، چې په ۱۴۰۲ یم کال کې به کېښودل شي.