بلخ کې د اوبولګولو د یوې شبکې چارې بشپړ شوې
۱۲ زمری ۱۳۹۸
د بلخ ولایت د «زوزان» د اوبولګولو د شبکې د بیارغولو چارې بشپړ شوي دي.
دغه شبکه د بلخ ولایت د بلخ ولسوالۍ د «زوزان» په کلي کې موقعیت لري، چې د جوړولو ټولیز لګښت نږدې ۹.۷ میلیونه افغانۍ ده.
دغه شبکه، چې کابو درې کیلومتره اوږدوالی لري د کرنې وزارت په کرونده کې د اوبو د تنظیم پروژې له خوا بیارغول شوې ده.
ددې شبکې له لارې کابو دوه زره جریبه ځمکه خړوبیږي او نږدې یو زر او ۴۰۰ کورنۍ ورڅخه هر اړخیزه ګټه پورته کوي.
د زوزان د اوبولګولو د شبکې په بیارغولو کې، چې د یوه کال په ترڅ کې یې چارې بشپړ شوي دي د ورځې په منځۍ کچه د سیمې ۲۵ کسانو ته په کې د کار زمینه هم برابره شوې وه.
