د ننګرهار د کرنې او کلیو پراختیا ریاستونو د تخنیکي کاري ګروپ ګډه غونډه دائره شوه
۱۰ کب ۱۴۰۱ه.ش
۸ شَعبان المُعَظّم ۱۴۴۴ ه.ق
د ننګرهار دکرنې، اوبولګولو او مالدارۍ ریاست او ددې ولایت دکلیو د بیارغونې او پراختیا ریاستونو د تخنیکې کارې کروپ (TWG) میاشتۍ غونډه د ننګرهار د کرنې، اوبولګولو او مالدارۍ رییس مولوی عبدالستار محمد په مشرۍ دائره شوې وه.
په دې غونډه کې د ننګرهار دکرنې رییس عبدالستار محمد د همکارو موسساتو مسؤلینو ته سپارښتنې وکړي او زیاته يي کړه، چې ټول همکار موسسات باید د بشري مرستو تر څنګ پرمختیايي پروژې هم پلي کړي، وچو سیمو ته باید د خړوبولو په رخه کې کار وشي تر څو په کرنیزو ځمکو بدلي شي، د پروژو د تطبیق لپاره باید لري پرتو ولسوالیو ته لومړیتوب ورکړل شي، او همدارنګه د پروژو په تطبیق کې باید پوره شفافیت شتون ولري.
وروسته د سیندیزي حوزې مرستیال هم په همکارو موسساتو غږ وکړ چې اوبه یو حیاتي سرچینه ده، او باید د اوبو مدیریت لپاره ښي مؤثرې پروژې په لاره واچول شي.
همداراز په ننګرهار ولایت کې د هالنډ کميټي (DCA) دفتر مسؤلینو د خپلو پروژو د فعالیتونو او لاسته راړونو په اړه د غونډې ګډونوالو ته د پریزنتیشن په شکل معلومات وړاندې کړل.
دغونډې په پای کې ګډونوالو خپل وړاندیزونه او نظرونه د اصلاحاتو او ښې همغږۍ په موخه شریک کړل.
