د هلمند بولان څېړنیز فارم کې د غنمو پر بېلابېلو ډولونو څېړنې روانې دي

۷ کب ۱۴۰۱ه‍.ش
۵ شَعبان المُعَظّم ۱۴۴۴ ه‍.ق
دهلمند ولایت دکرنې، اوبولګولو او مالدارۍ ریاست د کرنیزو چارو آمریت اړوند د کرنیزو څېړنو مدیرت فني او مسلکي کارمندانو لخوا د بولان څېړنیز فارم کې د مورنيو او هستوي تخمونو او تجاربو سیټونو تطبیق باندې تحقیق او څیړنې روانې دي.
په یادو څېړنو کې چې ملي او بین المللي تجربې پکې شاملې دي، د غنمو داصلاح،  اګرانومي او نباتي ناروغیو ٩ سیټونه شامل دي، چې د پلان له مخې به هستوي او مورني تخمونه ورڅخه په لاس راوړل شي.
په یادو څېړنو کې د غنمو نبات باندې دنباتاتو داصلاح به برخه کې ٣ بین المللي تجربې چې ۱۴۰ لینونه کې کرل شوي او پنځه سیټه ملي تجربې چې ۵۰ لینونه او د اګرانومۍ تجربه چې داوبو تاثیر دغنمو په حاصلاتو باندې ارزول کېږي شاملې دي.
همدارنګه یو سیت دناروغیو دمطالعې تجربه چې د غنمو دناروغیو په مقابل کی دښه مقاومت په موخه تر څېړنې لاندې دي په ۵۰ لینونو کې  کرل شوي دي، چې تر څېړنو او تحقیق وروسته به ښه لینونه په ورایټیو بدلې او معرفي شي.
 ددې تر څنګ لوړ حاصل او مقاویمي دغنمو ۹ ورایتۍ دمورني تخمونو تولید  په منظور په شل جریبه ځمکه کې په فني ډول کرل شوي او روزنې لاندې دي.
د یادو څېړنیزو قطعاتو او هستوي مورني تخمونو دکرنې او روزنې ټول مراحل د فني او مسلکي کارمندانو لخوا ترسره کېږي.
د هلمند د کرنې اداره پلان لري، چې هلمند کې د بېلابېلو نباتاتو، حبوباتو، سبو او مېوو د تخمونو د اصلاح، ترویج او تکثیر په برخه کې د خپلو مسلکي کارمندانو په مټ کار وکړي ترڅو له مخې یې د ځمکوالو حاصلات لوړ او د قناعت وړ عاید ترلاسه کړي.