د پکتیکا ولایت د غصب د مخنیوي او غصب شوو ځمکو د بېرته راګرځولو کمېټې ۱۹ غونډه
۱ کب ۱۴۰۱ه.ش
۲۹ رَجَب المُرَجَّب ۱۴۴۴ ه.ق
د پکتیکا ولایت د غصب د مخنیوي او غصب شوو ځمکو د استرداد تخنیکي ټیم د چارو د لاښه والي د لازمو پرېکړو نیولو اړوند ۱۹ غونډه تر سره کړه.
ياده غونډه چې د پکتیکا ولایت کرنې ریاست کې دائره شوې وه پکې د پکتیکا ولایت دکرنې رییس مولوی محمداسماعیل شکیب د تخنیکي ټیم رییس، او ددې ټیم یوولس کسیزه غړي ګډون درلود.
په پیل کې د پکتیکا کرنې رییس مولوی محمداسماعیل شکیب د پیل وینا وکړه او په هغو ستونزو او مشکلاتو يې رڼا واچوله چې د پکتیکا ولایت د غصب د مخنیوي او غصب شوو ځمکو د استرداد تخنیکي ټیم به ورسره د کار په جریان کې مخامخ کېږي.
په دې غونډه کې د غونډې ګډونوالو د خپلو کړنو او فعالیتونو راپور د تخنیکي پلاوي مشر ته وړاندې کړل او ترڅنګ یې دډیلی ولسوالی دلوړګي دسیمې په ځمکه بحث وشواوپریکړه وشوه چې مسلکي ټیم باید سرله سبا ورشي اود نوموړی ځمکې کروکي مساحت،نوعیت،کیفیت دی معلوم کړي.
په پای کې دیحی خیل ولسوالی دزاڼکوقوم مشرانوسره دیادتخنیکۍ ټیم غړووکتل یادو مشرانوددښت الله اکبردځمکې په اړه معلومات ورکړل اودوی وویل، چې موږداسلامي امارت ټولواصولوته ژمن یودغه ځمکه موږته له نیکونوراپاتې ده.
د غونډې په جریان کې د تخنیکي ټیم غړو په نوبتي ډول خپل نظریات شریک کړل او د تخنیکي ټیم د چارو د منظم پرمخ وړلو لپاره ځينې اړين مسایلو اړوند بحث وشو.
