د هلمند ګرمسېر کې عمومي بڼ جوړېږي
د هلمند ولایت د کرنې، اوبولګولو او مالدارۍ ریاست اړوند د طبیعي سرچینو آمریت لخوا د ګرمسېر ولسوالی په مرکز هزارجفت کې په ۲۵ جریبه ځمکه کې د عمومي بڼ جوړولو په پار د نوو نیالګیو روزلو او د مورنیو بڼونو جوړولو په موخه کرنې ته چمتو شوه.
نوموړې ځمکه چې لسیزې مخکې د یادې ولسوالی بزګرو او بڼوالو لپاره پکې بېلابېل نیالګي روزل کېدل او ترڅنګ یې د عامو ځمکوالو د عامه پوهاوی په موخه پکې مېوه لرونکي بڼونه جوړېږي، دامهال تخریب او په مکمل ډول له منځه تللي وو.
د هلمند دکرنې رییس یو ځل بیا په خپلو امکاناتو پلان لري تر څو په نوموړې ځمکه کې د مېوه یي ونو بڼونه او د بزګرو د اړتیا وړ بېلابېل نیالګي وروزي چې له مخې یې همدا مهال په بیړني ډول ورباندې کارونه دوام لري او سږکال به پکې کرنیز فعالیتونه د فني او مسلکي کارمندانو په مټ پیل شي.
