کندهار ته دکرنې وزیر سفر

۲۵ سلواغه ۱۴۰۱ه‍.ش
۲۳ رَجَب المُرَجَّب ۱۴۴۴ ه‍.ق
دکرنې، اوبولګولو او مالدارۍ وزیر مولوی عطاءالله عمري کندهار ولایت ته د سفر په ترڅ کې ددې ولایت دکرنې رییس مولوی محمود مظلوم او ددې ادارې له کارکوونکو سره په کتنه کې د دوی ستونزې او وړاندیزونه واورېدل.
ددې لیدنې په ترڅ کې د کندهار دکرنې رییس مولوی محمود مظلوم د کندهار دکرنې ریاست د کړنو، فعالیتونو او لاسته راوړنو په هکله دکرنې وزیر ته معلومات وړاندې کړل.
په همدې حال کې دکرنې، اوبولګولو او مالدارۍ وزیر مولوی عطاءالله عمري د کندهار دکرنې ریاست کړنې او فعالیتونه وستایل او دوی ته د بشپړ همکارۍ ډاډ ورکړ.
تر دې لیدنې وروسته په داسې حال کې، چې دکندهار دکرنې رییس مولوی محمود مظلوم او یوشمېر نورو سیمه ییزو چارواکو د کرنې، اوبولګولو او مالدارۍ وزیر مولوی عطاءالله عمري ملتیا کوله، ښاغلی عمري په کندهار کې د «میلکو» او د افکو(عینومېنې) شرکتونو څخه لیدنه وکړه.
ددې لیدنې په ترڅ کې مولوی عطاءالله عمري د یادو شرکتونو کړنې او فعالیتونه وستایل او ویې ویل: «له تاسو مننه کوم، چې په خپل هېواد کې مو پانګونه کړی دی، او خپلو هېوادوالو ته مو د خدمت او کار زمینه برابره کړې ده».
دکرنې وزیر مولو عطاءالله عمري د یادو شرکتونو چارواکو ته ډاډ ورکړ، چې دکرنې وزارت به تل د دوی ملاتړ کوي او له دوی سره همکارۍ ته چمتو ده.
دکرنې، اوبولګولو او مالدارۍ وزیر عطاءالله عمري د کندهار ولایت دکرنې او مالدارۍ سکټور د ارزونې  په پار کندهار ته سفر کړی دی. دغه راز ټاکل شوې، چې دکرنې، اوبولګولو او مالدارۍ وزیر مولوی عطاءالله عمري ددې سفر په ترڅ کې د کندهار ولایت له سیمه ییزو چارواکو، بزګرانو او مالدارانو سره هم وګوري او د دوی ستونزې او مشکلات واوري.