د کرنې وزارت مالي او حسابي رٸيس د کندهار د کرنې رٸيس سره وليدل

 د کرنې وزارت مالي او حسابي چارو 
 رئیس مولوي ضیا الدین واقف د کندهار ولايت دکرنی رئیس مولوی محمود مظلوم او کارکـونکو سره ليدنه تر سره کړه.
په دې لېدنه کې، چې د کرنې ریاست ټولو آمرینو او مدیرانو ګډون کړی وو لومړى د کندهار د کرنې رئیس مولوی محمود مظلوم راغلي هئیت ته د ښه راغلاست وويل ورپسې د مالی او حسابي  رئیس مولوی ضیا الدین واقف خبری وکړی او د کرنې، اوبولګولو او مالدارۍ  وزارت  د راتلونکی کال پلانونه یی دوی ته تشریح کړل او روښانه يې کړه چې، څنګه کولی شو، چی د کرنې وزارت عواید زیات  او له کومو لارو څخه خپل عواید راټول کړو.
وروسته په ترتيب د کرنې رياست کارکونکو خبری وکړی او خپل پلانونه او وړانديزونه  یی ورسره شریک کړل او  مالی او حسابی رئیس دوی ته ډاډ ورکړ چي ستاسو مشکلات به تر وزارت مقام پوری رسوي او د حل لاره به ورته پیدا کوی.