مالي او اداري مرستیال: د قانوني پړاوونو له بشپړېدو پرته هېڅ یوه اداره د بلې دولتي ادارې په ځمکه تاسیسات جوړولای نه شي

دکرنې، اوبولګولو او مالدارۍ وزارت مالي او اداري مرستیال مولوی فضل الباري فضلي، د یو پلاوي په مشرۍ، د ننګرهار دکرنې ریاست او کانال ریاست د چارو ارزونې په پار یاد ولایت ته د سفر کړی دی.
ددې سفر په ترڅ کې ښاغلی فضلي د ننګرهار د کرنې ریاست او کانال ریاست له چارواکو سره د ننګرهار کانال ریاست په ودانۍ کې غونډه وکړه.
په دې غونډه کې د ننګرهار کانال رییس، د ولايت مالي او تاميناتي چارو رییس ، د ننګرهار دکرنې رییس، جلال اباد ښاروال، ملي امنيت استازى، اراضي ادارې استازي او یوشمېر نور چارواکي ګډون درلود.
په دې غونډه کې دکرنې، اوبولګولو او مالدارۍ وزارت مالي او اداري مرستیال مولوی فضل الباري فضلي وویل: « د قانوني پړاوونو له بشپړېدو پرته هېڅ یوه اداره د بلې دولتي ادارې په ځمکه تاسیسات نه شې جوړلای.» ښاغلی فضلي دغه راز وویل، هغه ادارې چې د بشپړ قانوني پړاوونو تر بشپړولو پرته د ننګرهار کانال په ځمکه خپلې ادارې لپاره تاسیسات جوړوي حق نه لري، چې د قانونو پړاوونو له بشپړولو پرته کار وکړي، تر څو چې د دولت د لوړ مقام څخه د ځمکې د انتقال حکم او امر رانه وړي .
دکرنې، اوبولګولو او مالدارۍ وزارت مالي او اداري مرستیال مولوی فضل الباري فضلي، د یو پلاوي په مشرۍ، د قراردادونو ارزونې، د غصب مخنیوی، د پورونو بېرته اخیستل او د ننګرهار کانال د نویو عایداتي سرچینو د تشخیص په پار ننګرهار ولایت ته سفر کړی دی.