د زابل ولایت د غصب د مخنیوي او غصب شوو ځمکو د استرداد تخنیکي ټیم غونډه
۱۰ سلواغه ۱۴۰۱ه.ش
۸ رَجَب المُرَجَّب ۱۴۴۴ ه.ق
د زابل ولایت د غصب د مخنیوي او غصب شوو ځمکو د استرداد تخنیکي ټیم د چارو د لاښه والي د لازمو پرېکړو نیولو اړوند غونډه تر سره کړه.
ياده غونډه چې د زابل ولایت د کرنې په ریاست کې جوړه شوې وه په کې د زابل دکرنې ريیس مولوي عطاء الله راشد، د عدلیې رييس الحاج مولوي عبدالوارث خلیل، د ښارجوړونې ريیس ملا دادګل مسلم، د کار او ټولنیزو چارو ريیس مولوي عبدالوکیل خادم، د ارشاد حج او اوقافو ريیس مولوي محمد اسلام واسع، د څارنوالۍ رئیس مولوي عبدالقادر طه، د ولایت مستوفي مولوي نور الحسن محسن او د امارت د قضایاوو آمر مولوي محمدي محمدي د غړیو په توګه ګډون کړی وو.
په یاده غونډه کې د شاجوی په ولسوالی کې یو اندازه امارتي ځمکه چې ځیني اشخاص يې داعوه لري د کیمیټې لخوا ورته پلاوی وټاکل شو.
دغه راز په مرکز قلات کې د کمن پر ځمکه باندې چې کومو اشخاصو تاسیسات جوړ کړی دي د براورد لپاره يې پلاوی وټاکل شو.
پپ همدې توګه په زابل مرکز قلات کې د ملي دفاع وزارت اړوند د لیوا څنګ ته چې په کومه ځمکه په خودسران ډول تاسیسات جوړ شوي دې د براورد لپاره يې پلوی تعین شوه.
دغه راز د غونډې په جریان کې د تخنیکي ټیم غړو په نوبتي ډول خپل نظریات شریک کړل او د تخنیکي ټیم د چارو د منظم پرمخ وړلو لپاره ځينې اړين مسایلو اړوند بحث وشو.
