ننګرهار کې د ځنګلونو د خوندیتوب او لرګیو قاچاق د مخنیوی په موخه هلې ځلې
۵ سلواغه ۱۴۰۱ه.ش
۳ رَجَب المُرَجَّب ۱۴۴۴ ه.ق
د ننګرهار دکرنې، اوبولګولو او مالدارۍ ریاست په دې ولایت کې د ځنګلونو او طبیعي سرچینو خوندیتوب او دغه راز د لرګیو د قاچاق د مخنیوی په پار هڅې کړندي کړي دي.
دننګرهار دکرنې ریاست چارواکي وايي، چې ددغو هلو ځلو په دوام د ننګرهار د کرنې، اوبولګولو او مالدارۍ رییس مولوی عبدالستار محمد د خپل کارې سفر په ترڅ کې د غنې خېلو ولسوالی اړوند مارکو بازار کې د یو شمېر لرګیو پلورونکو ټالونو څخه لیدنه او څارنه وکړه. محمد د لرګیو ټالونو مالکینو ته خبرداری ورکړ، چې نن نه وروسته هیڅوک نشي کولای چې د شنو بوټو لرګیو پېر یا پلور وکړي.
د ننګرهار دکرنې رییس عبدالستار محمد زیاته کړه چې ځنګلونه زمونږ ملي شتمنې ده، او د هر افغان دا دنده او وجبه ده چې د دغه ملی شتمنې څخه په پوره ایماندارۍ سره ساتنه وکړي.
د ننګرها دکرنې ریاست هلې ځلې کوي، چې په دې ولایت کې طبیعي سرچینې او ځنګلونه خوندي او د پرېکېدو مخه یې ونیسي.
