لغمان کې دغصب مخنیوی او غصب شوو ځمکو داسترداد تخنیکي پلاوي غونډه
۳ سلواغه ۱۴۰۱ه.ش
۳۰ جُمادیَ الثّاني ۱۴۴۴ ه.ق
لغمان ولایت کې د امارتي ځمکو دغصب مخنیوی او غصب شووځمکو داسترداد تخنیکي پلاوي خپله شپاړسمه غونډه ددې ولایت دکرنې، اوبولګولو او مالدارۍ رییس الحاج مولوي محمدولي محسن په مشرۍ دده په کاري دفتر کې دايره کړه.
د غونډې په پیل کې دتخنیکي پلاوي رییس مولوي محمدولي محسن لارښوونکې وینا وکړه او بیا یې دتیرې غونډې دپریکړو ارزونه وکړه. په ورته مهال محسن د علینګار ولسوالۍ دپړوايي سیمې د ۴۷۷.۵۳ جریبه ځمکې موضوع دبحث لپاره وړاندې کړه چې دتخنیکي پلاوی غړو له خوا پرې بحث ترسره شوه چې یاده موضوع به دتخنیکي هیئت له دقیقي څیړنې څخه وروسته نهایي شي.
په ورته وخت کې تخنیکي پلاوی د پړوایي سیمې خلکو سره وکتل، چې دیادې سیمې خلکو په ۴۷۷.۵۳جریبه ځمکې باندې څه موده وړاندې دبدیع الزمان په نوم یوشخص سره لانجه راغلې وه په همدې موخه دتخنیکي پلاوی رییس د پړوایي سیمې دڅوتنو عاریضینو نظریات دځمکې په تړاو واخیستل او دځمکې د قانوني اسنادو غوښتنه ترې وکړه، چې عریضینو سره دځمکې په اړه کوم قانوني اسناد په لاس کې نه وه.
په دې غونډه کې دغه راز د کارونو د ښه پرمختګ په پار ګډونوالو خپل نظرونه او وړاندیزونه هم شریک کړل.
