د زابل نوبهار کې په زرو کروندګرو د غنمو اصلاح شوي تخمونه او کیمیاوي سرې ووېشل شوې

 د زابل دکرنې، اوبولګولو او مالدارۍ ریاست د «ADA» مؤسسې په همکارۍ ددې ولایت د نوبهار ولسوالی په زرو کروندګرو د غنمو اصلاح شوي تخمونه او کیمیاوي سرې وېشلي دي.
د زابل دکرنې ریاست وویل: «د ADA مؤسسه د زابل دکرنې، اوبولګولو او مالدارۍ ریاست په همغږۍ د نوبهار ولسوالی په زرو مستحقو کروندګرو د غنمو اصلاح شوي تخمونه او کیمیاوي سرې وېشلي دي». 
د چارواکو په خبره په دې لړۍ کې په هر بزګر ۵۰ کیلوګرامه د غنمو اصلاح شوي تخم، ۵۰ کیلوګرامه تورسره(DAP) او ۵۰ کیلوګرامه سپینه سره وېشل شوي دي. او ترڅنګ یې یاد کروندګر د کرکیلې پر بېلابېلو موضوعاتو روزل شوي هم دي.
ددغو مرستو موخه د بېوزله بزګرانو ملاتړ او په دې لایت کې د غنمو حاصلاتو زیاتوالي ته زمینه برابرول دي،