د لغمان دکرنې ریاست: ۹۱۰ جریبه ځمکه امارتي تثبیت شوه
۱۸ مرغومې ۱۴۰۱ه.ش
۱۵ جُمادیَ الثّاني ۱۴۴۴ ه.ق
په لغمان ولایت کې د امارتي ځمکو دغصب دمخنیوي او غصب شوو ځمکو د استرداد تخنیکي پلاوی خپله څوارلسمه غونډه ددې ولایت دکرنې، اوبولګولو او مالدارۍ رییس الحاج مولوي محمد ولي په مشرۍ د لغمان دکرنې ریاست کې په داسې حال کې ترسره کړه، چې په دې غونډه کې دتخنیکي پلاوی دغړو سربېره د استیناف محکمې سرپرست رییس هم گډون کړی ؤ.
په دې غونډه کې، د لغمان د ځمکې غصب او غصب شویو ځمکو د بېرته راګرځولو د تخنیکي پلاوی رییس مولوي محمدولي محسن لارښوونکې وینا وکړه او بیا یې د تیرې غونډې د پریکړو ارزونه وکړه.
په ورته مهال ښاغلي محسن د زنګوري سیمې د۱۲۳ جریبه امارتي ځمکې د دوسې موضوع ټول جزیات داستیناف محکمې له سرپرست رئیس سره شریک کړل او په دې برخه کې ورڅخه دفیصلې کولو غوښتنه وشوه چې داستیناف رئیس له لوري ورته ډاډ ورکړ شو چې قاضي ته به دفیصلې په کولو کې هدایت کوي. همداراز ښاغلي محسن دغاصبینو د نیولو په برخه کې د۷۲ ساعتونو څخه د دزیات وخت دتوقیف دتمدید کولو صلاحیت موضوع له استیناف محکمې رئیس سره شریکه کړه چې په دې برخه کې داستیناف محکمې رئیس له لوري د پوره همکارۍ ډاډ ورکړشو. بیا داجنډا سره سم د پړوایي خلکو د عریضې په موضوع بحث وشو کوم چې په امارتي ډاګ یې منازعه راغلي ده په دې اړه بریکړه وشوه چې یکشنبې ورځ به ساحي ته ورځي او ساحه به له نږدي بررسي کوي. دبحث او تصمیم نیونې څخه وروسته تخنیکي هیئت د کرنج سیمې ته لاړ کوم چې دځایي سیمو خلکو دقبرستان په ځمکه یې لانجه راغلي وه هیئت ساحه له نږدې ولیده ددواړو خواؤ نظریات یې واخیستل او دواړه جانبین یې له کار کولو څخه منعې کړل چې له دقیقي څیړنې څخه وروسته به پریکړه دوي ته ابلاغ کیږي. او همدارنګه تخنیکي هیئت دیاد سفر په ترڅ کې دکرنج په سیمه کې ۹۱۰ جریبه ځمکه امارتي تثبیت او تشخیص کړه.
باید وویل شي، چې لغمان کې د ځمکې د غصب مخنیوی او غصب شویو ځمکو د بېرته را ګرځولو د کمېټه تر دې دمه په دې ولایت کې د ډېرو امارتي ځمکو د غصب مخنيوی کړی او د ټول ولایت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې عملياتي پلان تطبيق جريان لري.
