د زرغونتیا په پار هڅې؛ د ننګرهار کانال قوریې مخ پر وده دي
د ننګرهار دکانال ریاست چارواکي وایي، چې دیاد ریاست د هډې فارم د ثمرخېلو قوریه، چې په نږدې ۱۴ جریبه ځمکه کې جوړه شوې ده د ننګرهار کانال ریاست د څلور ګونو فارمونو د بوټو اړتیا تر ۹۰ سلنه پوره کوي.
د ننګرهار دکانال ریاست رییس مولوی غلام الرحمن کظیم وایي، چې دغه قوریه به لا غني کړي هغه وویل: «موږ له دې قوریې څخه بڼونه او نورې قوریې جوړوو.»
د چارواکو په خبره اوسمهال په دې قوریه کې ګټورې کړنې روانې دي، چې په کې د کرل شويو نارنجو تخم لپاره چې اوس شین شوي د پلاستیک څخه ګرم بستر جوړل، خالي پلاستيکي کڅوړو لپاره خاوره اماده کول،خالي پلاستيکي کڅوړې د خاورې څخه ډکول، پلاستيکي کڅوړو لپاره بیډونه جوړول او په قوريو او شنوخونو کې د ستروسو نیالګیو نرم کاري شامل دي.
