پکتیکا کې د امارتي ځمکو د غصب مخنیوی او غصب شویو ځمکو د بېرته راګرڅولو کمېټې کړنې
۱۲ مرغومې ۱۴۰۱ه.ش
۹ جُمادیَ الثّاني ۱۴۴۴ ه.ق
دپکتیکا ولایت د امارتي ځمکودغصب مخنیوی اوغصب شویوځمکو داستردادتخنیکي ټیم غړو ددې ولایت خیرکوټ ولسوالی ته سفروکړ.
ددې سفر په ترڅ کې، د پکتیکا ولایت دکرنې، اوبولګولو او مالدارۍ رییس سربېره دکمیټې غړواومسلکي ټیم هم شتون درلود.
ددې سفر موخه د امارتي ځمکې تثبیت او تصفیه کول و، چې په ترڅ کې یې د اړوندو سیمو له قومي مشرانو سره هم ناسته وشوه.
د پکتیکا دکرنې ریاست وایي، چې دخیرکوټ ولسوالی اړوند د کټه سنګ سیمه کې د سیګاني او کټه سنګ خلکو ترمنځ ادعا وه، چې ددې سیې ځمکې د دوی دي، خو دوی کوم داسې شرعي اسناد د کمېټې غړو ته وړاندې نه شو کړای، چې پرې ثابت شي، چې دا ځمکې د دوی دی، د یادې ځمکې مساحت ۲۸۱۱۴ جریبه ده، چې د کمېټې د غړو له نظره امارتي ځمکې وشمېرل شول او په دې ځمکه کې ټول تصرفات بند شول.
د پکتیکا د ځمکو د غصب څخه د بېرته راګرځولو تخنیکې پلاوی به د دې ولایت ټولو ولسوالیو ته سفرونه وکړي او غصب شوي ځمکې به تثبیت او لست به یې د مرکزي تخنیکې کمیسون سره د وروستي تصمیم نیونې په موخه شریک کړي.
باید وویل شي، چې د پکتیکا ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
